Çdo prind është krenar për fëmijët e tij, aq më tepër kur ata i shohin prindërit si heronjtë dhe udhërrëfyesit e tyre. Këngëtari Vedat Ademi e ka shprehur disa herë krenarinë për djalin e tij të madh, Jon Art dhe nuk ka ngurruar ta bëjë sërish.
Vogëlushi ka bërë një përshkrim për babin e tij në gjuhën angleze sipas këndvështrimit të tij. Në një prej fjalive që Joni ka plotësuar thotë se babi i tij është i fortë dhe i pasur.
“Babi im është i veçantë sepse është i pasur. Ai është i fortë si shkëmb”-ka shkruar vogëlushi.
Këngëtari e ka postuar këtë punë të të birit në llogarinë e tij personale në “Instagram”, me mbishkrimin: ”Ky është djali im”. Ashtu si të gjithë ne, edhe Joni bie dakort se babai i tij di të bëjë shumë gjëra, por është më i mirë në të kënduar./revistawho.com
