Katër vite pasi humbi peshë gjatë garës së kërcimit në “Dancing with the Stars”, këngëtari Vedat Ademi vishet me slimfit. Ka arritur të humbë 10 kilogramë më regjim dhe sport, dhe më e rëndësishmja, ai ruan të njëjtën peshë, gjë që shumë pak persona e arrijnë. Ndërkohë që është duke punuar me maturi dhe kujdes për projektin e radhës, babai i një djali tregon më shumë për stilin e jetës që e mban në formë.
Vitet e fundit bie në sy për fizikun elegant. Cila ka qenë pesha e mëparshme dhe ku ke arritur tani?
Tani peshoj nga 8081 kg, ndërsa më parë kam qenë 9091 kg, pra jam 10 kilogramë më pak.
Si arrin të ruash të njëjtën peshë pas rënies?
Sigurisht që mundohem të mbaj regjim dhe vazhdoj të merrem me palestër. Si fillim kam bërë gjashtë ditë në javë palestër, kurse tani 4 ose 5 ditë, varet edhe nga angazhimet që kam.
Ushqimet që konsumon rregullisht?
Zakonisht konsumoj peshk dhe pulë, sallatë, sigurisht edhe ushqime të përgjithshme. Më rrallë pasta e brumëra në menynë time ditore.
Alkoolit i thua po?
Jo. Vetëm për Vitin e Ri. (qesh)
Vrapi është pjesë e rutinës tënde?
Po si fillim kam bërë vrap më shumë e tani më pak, sigurisht dhe pesha, por jo të rënda. Thjesht sa për t’u prerë ,siç quhet në gjuhën e bodybuilding, pra edhe për tonifikim.
Sa i rëndësishëm është aktiviteti sportiv për ruajtjen e formës fizike?
Për mendimin tim, mbi të gjitha është aktiviteti fizik. Të bën të ndihesh më energjik dhe sigurisht edhe për shëndetin është shumë mirë. Unë kam qenë tip sportiv dhe deri sa fillova aktivitetin e muzikës jam marrë gjithmonë me sport. Kam luajtur basketboll dhe tenis, që i kam pas të preferuarat e mia. Disa e cilësojnë mision të pamundur dobësimin, për më tepër eksperincë torturuese.
Nga eksperienca jote, ç’mund të thuash?
Është e thjeshtë, mjafton të mos abuzosh me asnjërën, qoftë me alkoolin, qoftë me ushqimet dhe je në rregull. Gjithsesi, nuk është mirë të fiksohesh dhe të kalosh në ekstrem me kufizimet, pasi trupi ka nevojë për të gjitha ushqimet, mjafton të bësh aktivitet tamam dhe besoj jeni në rregull! Unë si natyrë jam nga ata që marrin peshë shpejt, por që edhe bien shpesh, është shumë e rëndë sishme se si e bën stërvitjen dhe programin. Unë kam pasur fatin të kem trajnerin (profesorin siç e thërras unë) Andion Lipe, që ka qenë i gatshëm për të më ndihmuar për gjithë programin tim stërvitor.
Në muzikë çfarë plani ke, ende s’të kemi parë me një klip?
Jam në periudhë qetësie për momentin, pasi po i shoh me kujdes gjërat dhe projektet. Patjetër kam shumë materiale nëpër duar dhe do të mundohem të zgjedh atë që ma ndjen zemra më shumë. Sigurisht nuk dua të ndikohem nga asgjë rrotull. Unë kisha fatin të isha në koncertin e njërit prej artistëve të mi të preferuar, që është Gavin DeGraw dhe kam marrë një energji superpozitive, pasi pata kënaqësinë të dëgjoja tre artistë të rinj dhe të vërtetë, si Wrabel dhe Andy Grammer./ Panorama
