Stilistja e princeshës Diana dhe ish-redaktorja e Vogue, Anna Harvey, një herë i tregoi princeshës një foto të Naomi Campbell, e veshur me një fustan Versace. Diana pëlqente të eksperimentonte me veshjen dhe e pëlqeu. Më vonë Gianni Versace u bë një mik i ngushtë me Dianën pasi i modeloi një fustan blu për një kopertinë reviste në vitin 1991.
Në vitet më pas, princesha veshi disa fustane të mrekullueshme Versace, në një kohë kur Gianni po tërhiqte vëmendjen me modën e tij.
Në korrik të vitit 1997 Diana ishte në kopertinën e revistës Vanity Fair dhe Gianni i tha miqve të tij: “Kishim për të bërë prova javën e kaluar për kostumet e saj të reja dhe ajo është kaq e qetë”.
Gianni u vra vetëm pak kohë pasi u publikua intervista e tij, në 15 korrik, ndërsa Diana humbi jetën në një aksident me makinë në Paris në 31 gusht, në të njëjtin vit.
Në mesin e viteve ’90 Diana shfaqej plot vetëbesim me veshjet Versace dhe të cilësuara si pamjet e saj më të suksesshme. Nëntë fotografitë e mëposhtme vërtetojnë se Versace ishte marka perfekte për Dianën.
