Cardi B, Olivia Rodrigo dhe Larray ishin ndër personazhet e famshëm që u komentuan shumë për rikthimin e American Music Awards (AMA) mbrëmjen e 21 nëntorit.
Në tapetin e kuq, përveç elegancës, ranë në sy shumë copa me shkëlqim, por edhe materiale lëkurë.
Ceremonia u mbajt në Teatrin Microsoft në Los Anxhelos. Drejtuese e këtij viti ishte reperja Cardi B, e cila shkëlqeu gjatë gjithë mbrëmjes me 8 veshje.
Ajo mbërriti në tapetin e kuq me një maskë të artë, një palë vathë gjigantë dhe një fustan të zi me vello nga Schiaparelli.
Ylli i “West Side Story”, Rachel Zegler, mahniti gjithashtu me një fustan bardhë e zi nga Carolina Herrera, ndërsa Machine Gun Kelly u vesh nga Ashton Michael.
Rodrigo dhe një numër yjesh të tjerë u shfaqën veshje me shkëlqim.
Këngëtarja kishte veshur një fustan të tejdukshëm David Koma me temina, shumë të gjatë dhe me pupla.
Mes atyre që shkëlqyen gjatë natës ishte edhe modelja Winnie Harlow, e cila kishte veshur një krijim nga Zuhair Murad, që përmbante rruaza guri të çmuar të varur në formë loti./revistawho.com
