Victoria Beckham ka bërë përherë revolucion me kombinimet e saj dhe na ka bërë ta shohim çdo veshje me një sy më klasik. Këtë herë në sfilatën e Saint Laurent Fall-Winter 2022/23, ajo u shoqërua nga i biri, Romeo.
Por ajo që mori vëmendje ishte kombinimi i me latex i Victorias. Kujt ja merrte mendja se materiali me shkëlqim, që bie aq shumë në sy, do të shihej jashtë formave trupore të Kim Kardashian. Klani i motrave të njohura, na ka detyruar (padashur) ta imagjinojmë latexin si veshjen e formave të mbushura.
Por Victoria na tregoi se edhe ajo (e të tjera si ajo) mund të duket jo vetëm bukur, po shumë klas dhe e sofistikuar me latex. Ajo veshi pantallona latex të kuqe dhe i kombinoi me një bluzë të thjeshtë leshi në ngjyrë lejla. Dhe kaq ishte! Më thjesht nuk bëhet dhe pas Victorias me siguri do e shohim kudo këtë kombinim. Mos harroni se e kuqja me lejlanë, bashkë dhe të ndara janë ngjyrat më trendy të momentit./revistawho.com
