Një çift ka rënë pre e dy hajdutëve teksa po ngjiteshin në automjetin e tyre. Ata janë zënë në befasi dhe janë kërcënuar për të dorëzuar çelësat e makinës. Më pas hajdutët janë larguar me shpejtësi me mjetin, teksa në sediljen e pasme ndodhej nje bebe 7 muajshe. Ngjarja e rëndë është regjistruar në San Paolo, Brazil. Amerikanët Deborah e William Bonaçi ishin atje me pushime, për të prezantuar vogëlushen e tyre tek të afërmit e të ëmës, me origjinë braziliane. Në momentin e grabitjes, gruaja i është lutur hajdutëve që të merrte të bijën duke tentuar t’i afrohet. Në ato çaste situata është pikasur nga policia dhe dy hajdutët në panik, janë larguar me makinën dhe me derën e pasme të hapur. Policia i është vënë pas dhe njëri prej tyre ka qëlluar duke plagosur një efektiv. Si përfundim makina ka ndaluar dhe një prej hajdutëve është futur në një shtëpi duke marrë peng dy gra. Pasi është rrethuar nga policia, ai është dorëzuar e të gjithë janë shëndoshë e mirë./ revistawho.com
https://youtu.be/dSoi-S-vdiM
