Pas daljes nga shtëpia e Big Brother VIP Albania, Aldo Marku ishte i ftuar në “Fan Club”, ku ndau emocionet dhe mendimet e tij për gjithçka përjetoi në reality show. Gjatë bisedës me moderatoren, ai u pyet për thashethemet më të çuditshme që ka dëgjuar për veten pas daljes.
“E para që më ka habitur është që nuk qenkam ndarë kurrë nga ish-bashkëshortja. Kjo më duket komplet e pavërtetë”, tha Aldo, duke sqaruar një nga zërat që kanë qarkulluar në rrjet.
Në studio u përmend gjithashtu një video që është bërë virale, ku ai shihet në krevat me Rizartën, një nga vajzat që ishte pjesë e shtëpisë së BBV. Videoja ka ngjallur shumë diskutime, por Aldo u shpreh qartë se nuk ka vend për keqkuptime.
“Nuk ka shanse. Asgjë e asaj natyre. Ajo është një vajzë që merret me palestër…”, tha ai, duke mohuar çdo aludim për ndonjë afrim më shumë se shoqëror mes tyre.
Heidi, një tjetër ish-banore, ndërhyri me humor: “Për muskujt e barkut folëm ne…”
Aldo nuk u tërhoq nga qëndrimi i tij dhe shtoi: “Ekzakt. Asgjë mes e poshtë, nuk ka shanse. Jo, jo.”
