Ditën e sotme DJ i njohur Vin Veli ishte i ftuar special në emisionin “Trokit” në “In TV”. Në një intervistë me moderatorin Ermal Peçi, Vin Veli ka zbuluar detaje të shumta nga karriera dhe jeta e tij private. Ai ka rrëfyer se ka një lidhje shumë të ngushtë me djalin e tij Arborin dhe se takohet shpesh me të. Tashmë që Arbori është më i rritur, DJ ka treguar se e ka më të lehtë për ta kontrolluar dhe kujdesur, sepse nuk i duhet t’i rrijë pas në çdo moment. Më pas Vin Veli ka shtuar se ndjehet shumë keq nëse nuk arrin t’i plotësojë çdo dëshirë vogëlushit, duke qenë se ai është personi më i rëndësishëm në jetën e tij.
Gjatë një loje DJ tha se nuk do të donte të ndryshonte asgjë në jetën e tij personale, por vetëm në jetën profesionale, sepse duhej të ishte marrë më herët me produksione. Vin Veli ka shtuar me shaka se tashmë është e vështirë të dalësh nëpër qytet edhe me një vajzë që e ke kushërirë, sepse në media përflitet menjëherë për histori dashurie. Kujtojmë se më herët DJ ka pasur një marrëdhënie disavjeçare me Bora Zemanin, me të cilën ka edhe djalin, por në vitin 2017-të ata vendosën t’i japin fund gjithçkaje. /revistawho.com
