Personazhet publikë na kanë vërtetuar me kalimin e kohës që shkëmbimi i eksperiencave me njëri-tjetrin, miqësitë që kalojnë përtej profesionit, kanë ndikuar edhe në zhvillimin e pasioneve të reja ose të vjetra. Me siguri e keni vënë re që moderatorë dhe aktorë të ndryshëm kanë eksperimentuar me projekte të ndryshme muzikore. Herë bashkëpunime, herë solo, këngët me të cilat janë prezantuar para publikut jashtë sferës profesionale që i kemi parë gjithmonë, na kanë bindur që pasioni për muzikën nuk është edhe aq rastësor. Megjithatë ka edhe nga ata që më shumë se sa dëshira për të treguar talentin, kanë dashur të bëjnë realitet një pasion të hershëm dhe nuk ju ka interesuar nëse ka sukses apo jo.
Por kush janë personazhet VIP-a të cilët eksperimentuan dhe erdhën ndryshe nga çfarë ishim mësuar t’i shihnim? Më poshtë ju sjellim disa prej emrave të tyre:
Olsi Bylyku, i cili fillimisht u shfaq si aktor humori në ‘Portokalli’, numëron tashmë disa këngë në reportorin e tij.
Një tjetër emër është dhe Bes Kallaku, i cili pavarësisht karrierës së gjatë si aktor humori, vendosi të jetë pjesë edhe e muzikës, duke sjellë dhe bashkëpunime me këngëtarë të tjerë si Ylli Baka, Gent Fatali etj.
Klea Huta është bukuroshja të cilën e pamë nën moderimin e ‘Top fest’ , ‘Gjeniu i vogël’, ‘Maratona e këngës popullore’, por pavarësisht aftësive të saj në moderim dhe aktrim bukuroshja u shfaq dhe në muzikë duke sjellë këngën e saj të parë me videoklip me titull ‘Bla bla bla’.
Kelvi Kadilli është një tjetër emër i cili e nisi karrierën e tij si moderator fillimisht në ‘In tv’ dhe më pas në ‘Top Channel’, por as ai nuk i shpëtoi dot tundimit të realizimit të një kënge. Ai solli disa muaj më parë këngën ‘Vajzat e fshatit’.
Luana Vjollca u shfaq në ekranin e ‘Top Channel’ si moderatore e disa produksioneve të ndryshme si ‘E diell’, ‘Shiko kush luan’, ‘Formula 1’ e shumë të tjera, por dhe bukuroshja pas suksesit të madh që korri u fut dhe në muzikë dhe tashmë ajo numëron disa videoklipe, që e kanë bërë të mbajë dhe koncerte shpesh herë.
Ledion Liço është një nga moderatorët më të suksesshëm, por asnjë nuk e pati menduar se do ta shihte të eksperimentonte edhe në muzikë. Ai publikoi këngën ‘With or without you’ 3 vite më parë.
Siç duket VIP-at shqiptarë dinë gjithmonë të surprizojnë më pasionet dhe talentet që ata kanë./revistawho.com
