Nëse nuk e ke dëgjuar ende këngën e re të Vlashentit, përgatitu të përlotesh. “Frymë”-mban titullin projekti më i ri i kantautorit, një këngë e ndjerë, me fjalë tejet prekëse në dialektin shkodran që përcjellin më së miri ndjenjën e mungesës së dikujt.
“Me pas ditë se ish’ kènë i fundit përqafim t’kisha rrok pak ma shumë, pak ma shumë, pambarim. Me pas ditë se ish kènë e fundit puthja jote n’ ballë, s’kisha lujtë, skisha bza, i vogël isha ba… Thu s’ kisha ni kaq shumë mall, sot… “-janë disa fjalë nga teksti.
Videoklipi është gjithashtu i veçantë. Nis me Vlashentin që “i jep jetë” dy kukullave dhe mbaron po me Vlashentin që i bie pianos me një vajzë të vogël kaçurelse, e cila është vajza e Greis Petroviç, Emeli.
Kënga ka përlotur edhe Dojnën, e cila shkruan se fjalët e kësaj kënge janë ato çfarë do donte t’i kishte thënë të atit të ndjerë.
“Kur humba babain e kisha të pamundur të shprehja emocionet në të shkruar. Kjo këngë është gjithçka do doja t’i kisha thënë unë. Vlashent Sata më mbushen sytë më lot nga kjo këngë, njëlloj si herën e parë”, shkruan Dojna.
