Jemi në 2021 dhe ndodh që disa njerëz të kenë ende kompleksë nga syzet optike, ose më mirë të themi janë gjithmonë gati të bëjnë një koment të shëmtuar për dikë tjetër që i mban.
Të paktën këtë eksperiëncë ka pasur edhe Nevina Shtylla, e cila ka treguar se ka pasur syze që prej moshës 3-vjeç, e që në atë kohë mundoheshin ta bënin të ndihej keq që kishte një problem me shikimin.
“Ej kur ka dhe Nevina Shtylla syze, ju lutem mos më shani për qorre”, ka shkruar një prej ndjekësve, të cilës ish- missi ka vendosur t’i kthejë përgjigje duke treguar eksperiencën e saj,
“Unë kam qenë 3 vjeç me syze. Aq shumë më kanë sharë qorre sa një periudhë m’u bë si trigger, plaste sherrinë sekondë. Nuk është se më shanin në aspektin estetik, por mundoheshin të më bënin të ndihesha keq që po kisha një problem me shikimin. Kam kaluar edhe fazën e adoleshencës që nuk doja t’i mbaja fare në asnjë moment dhe i hiqja fshehurazi mos më shihnin prindërit. Me përdorimin masiv të teknologjisë më duket se tani ka më shumë njerëz me syze se pa. Ndaj nuk e përdor më njeri për sharje fjalën ‘qorr’, se janë vetë pjesë e klubit ose është një person i afërt i tyre. Kur e provon në kurriz, tregohesh më i ndjeshëm ndaj të tjerëve. Është e vërtetë që tek vetja në pamje më pëlqen më shumë kur nuk i mbaj syzet, ndaj në shumicën e fotove nuk i kam, por nuk e kam aspak kompleks faktin që janë të domosdoshme për mua. Në përditshmëri i mbaj në çdo moment dhe jam ok me këtë”, ka shkruar Nevina./revistawho.com
