Will Smith dhe Jada Pinkett janë një çift i hapur sepse martesa nuk mund të jetë burg

Ata janë një nga çiftet me jetëgjatësinë më të madhe në ‘Hollywood’ dhe sekreti që kanë nuk është hiç i zakontë. Vetë aktori i njohur Will Smith ka zbuluar se as ai as bashkëshortja nuk kanë besuar ndonjëherë në monogami. Ai dhe Jada nuk e kanë mohuar kurrë sa kohë të vështira kanë kaluar dhe sa stuhi e kanë prekur martesën e tyre, por në çdo situatë ja kanë dalë të rrinë bashkë, duke i dhënë lirinë njëri-tjetrit që të jetojnë dhe dashuri të tjera paralelisht me martesën. “Nuk ja sugjeroj këtë zgjedhje askujt, por për ne, liria që i kemi dhënë njëri-tjetrit është niveli më i lartë dhe i sinqertë i dashurisë”, ka shpjeguar Will në një intervistë.

Jada nga ana tjetër, ka pranuar në intervista më të hershme që ka pasur lidhje me një këngëtar të njohur gjatë martesës, por e ka justifikuar me faktin që në atë kohë martesa ishte në krizë. Will nga ana tjetër se ka aspak problem këtë histori, madje sipas të dyve, këto detaje i kanë bashkuar edhe më shumë.
Will dhe Jada janë të martuar prej 1997-ës dhe kanë dy fëmijë, Jaden 22 vjeç dhe Willow 20 vjeç./revistawho.com