Xhelozi dhe kurthe, Eda dhe Serkan bëjnë një marrëveshje, këtë javë në “Dashuria është në ajër”

Sapo Eda dhe Serkan kishin nisur të afroheshin sërish, një punonjëse e re në kompani trazon ujërat. Ajo quhet Ballxha dhe është vetë Eda që e punëson për t’i treguar Serkanit se ajo nuk është aspak xheloze për të. Nga ana tjetër Ballxha përpiqet të bëjë për vete Serkanin dhe nuk humb asnjë rast për t’ju afruar. Edhe pse Serkan i thotë se nuk ka interes për Ballxhën, Eda i kupton qëllimet e saj. Për të kuptuar nëse Ballxha është e interesuar për Serkanin apo jo, ata të dy provojnë metoda të ndryshme. Ndërkohë, miqtë e Edës i vihen pas Ballxhës. Këto përpjekje, Melos dhe Fifit u japin përvoja interesante. Teksa punon për një tender për të cilin kompania po përgatitet, Ballxha fut në kurth Edën. Hyrja e gjyshes së Edës në jetën e tyre krijon surpriza të mëdha për Serkanin dhe Edën. Serkan humb besimin tek Eda. Eda gjen një mënyrë për ta bërë Serkanin të dëgjojë. Ata të dy bien dakord se marrëdhënia e tyre është prishur. Serkan vendos të nisë një fillim krejt të ri. Natën e Vitit të Ri, ata bëjnë një kontratë për ta lënë njëri -tjetrin të vendosin për marrëdhënien e tyre./revistawho.com