Xhenet/ Çfarë do ndiqni në episodin e parë të serialit të ri që fillon sot në Klan

Seriali fillon me Xhavidan e cila lind një vajzë. Me të lindur bebi, ajo e braktis dhe shkon mes shiut këmbëzbathur duke bërtitur se ajo foshnjë nuk është e saj. Pas 20 vitesh ajo foshnjë është rritur, po diplomohet dhe quhet Xhenet. Xhenet jeton me gjyshen e saj në një lagje të varfër. Ajo ka mbaruar shkollën e arkitekturës me nota të larta dhe madje ka ndihmuar shoqen e saj, Melisa për projektin përfundimtar.Xhenet shkon në ditën e diplomimit por rrugës përplaset me një makinë por për fat të mirë shpëton. Djali që i jep makinës quhet Selim. Xhenet dhe Selim bien në dashuri me shikim të parë. Selim i ofron Xhenetës ta dërgojë në ditën e diplomimit me makinën e tij por ajo refuzon. Megjithatë fati i përball sërish pasi Selim është shok me Melisën, shoqën e Xhenetit. Ata takohen të tre ditën e diplomimit. Melisa ja prezanton Xhenetin mamasë së saj, Arzus. Arzu është një grua e pashme, e suksesshme, që drejton një kompani. Pas diplomimit familja e Melisës dhe Selimit shkojnë të hanë drekë në një restorant. Aty Xhenet punon kamariere. Selim habitet kur e sheh Xhenetën dhe Melisa e vë re që ai e pëlqen atë. Melisa fillon të xhelozojë pasi e dashuron Selimin. Mamaja e Melisës, Arzu mëson që Xheneta e ka mbaruar shkollën me nota të larta dhe i ofron punë si arkitekte në kompaninë e saj. Nga xhelozia, në atë kompani fillon punë edhe Melisa e cila kishte bërë plan të shkonte jashtë vendit. Xhenet e falenderon shefen e saj, Arzu për mundësinë që i dha për të punuar në kompani dhe i premton se do punojë shumë./revistawho.com