Dita e sotme është mjaft e veçantë për Bes Kallakun, sepse duhet të festojë për dy gëzime të tij. Sot aktori feston 34-vjetorin e lindjes dhe prezanton për herë të parë në premierë filmin e tij ‘Falco’. Sigurisht që kjo ditë është e mbushur me emocione jo vetëm për Besin, por edhe për familjarët e tij, në veçanti për Xhensilën. Myrtezaj përveçse e ka surprizuar Besin në mesnatë, sot i ka dedikuar edhe disa fjalë zemre për ta uruar për ditëlindjen e filmin. Këngëtarja ka publikuar në ‘Instagram’ një foto të bashkëshortit dhe një tjetër të vajzës së tyre, Ajkës, që mban veshur një bluzë të stampuar me filmin e të atit. “Bekimi ynë sa shumë e falenderoj Zotin për ty. Je fat për këdo që të ka pranë. Sot ti më shumë se kurrë do dëshmosh që me Zotin në krah dhe besim tek Ai, me thjeshtësinë dhe përulësinë, me zemrën e pastër, që kurrë nuk lëndoi askënd, do tregosh që bëhen gjëra të mëdha edhe pa shkelur mbi vlera e moral. Edhe 100 krijimtari si kjo që do sjellësh sot. Unë dhe Ajka do jemi gjithmonë fanset që do të duam përjetë”, ka shkruar Xhensila në postimin e saj.
https://www.instagram.com/p/B5FzpQeB_PK/
Pas këtyre fjalëve kaq emocionuese nuk ka munguar edhe një koment nga Besi. “I bekuar jam unë me ju. Ju dua qetësia ime”, i është përgjigjur aktori.
Ditën e sotme në premierën e filmit ‘Falco’ me siguri do të jetë e pranishme edhe Xhensila, që i ka qëndruar gjithmonë pranë partnerit të saj në çdo sukses. /revistawho.com
