Ditën e djeshme nëpërmjet një postimi në rrjetet sociale Xhensila Myrtezaj zbuloi se shumë shpejt do i rikthehet muzikës. Kënga që do të sjellë për publikun do të vijë si bashkëpunim më dy emrat e njohur të muzikës shqiptare, Pirro Çako dhe Darko Dimitrov.
Në një prononcim për revistën “Class” këngëtarja ka treguar për emocionet e bashkëpunimit, ku zbuloi se këtë projekt e ka ëndërruar që e vogël.
“Po, është një bashkëpunim të cilin e kam ëndërruar që në vogëli. Atëherë kur Pirro Çako këndonte duetet më të bukura me këngëtaret më të mira. Nuk kemi një datë apo ditë fikse se kur do të publikohet kënga, por ne jemi të përfshirë maksimalisht dhe po punojmë fort që ta sjellim shumë shpejt. Di të them që kjo baladë më ka marrë gjithë zemrën”, shprehet Xhensila.
Pas ardhjes në jetë të Ajkës, Xhensila bëri një shkëputje të shkurtër nga muzika dhe duket se rikthimi do të jetë shumë i fuqishëm./revistawho.com
