Të dielën mbrëma mes roleve të aktorit të njohur Gazmend Paja ra në sy ai i Ylvi Bakerit, që ishte imitim i këngëtarit të muzikës popullore Ylli Baka. Ky i fundit ishte i ftuari i radhës në ‘Rreze dielli’ ditën e sotme, ku u pyet lidhur me skeçin e së dielës. Pavarësisht se u shpreh që nuk i ka ardhur keq për atë imitim, dukej qartë që nuk e ka pritur edhe aq mirë. Ai u shpreh se Gazi është shumë i talentuar.
“Është shumë i talentuar. Nuk e di pse më duket sikur do të këndojë edhe ky. Sikur po e shoh që do të bëjë një “Baftjar” të dytë me atë Ylviun, po më duket se nuk e bën dot. Kurse për atë pjesën tjetër, unë këndoj, por nuk këndoj gjithë ditën siç thotë ai. Unë do ti këndoja diçka Gazit tani në mëngjes që në mëngjes mezi këndon edhe gjeli “O Gazi t’u bëfsha unë, mos u merr more me këtë punë”. Nuk më ka ardhur keq me këtë imitim. I them vetëm mos e trash se nuk shkon”,-u shpreh Ylli. Pas këtyre fjalëve, nuk ka akoma një reagim nga aktori i njohur./revistawho.com
