Young Zerka dhe Ronela Hajati vazhdojnë të jenë dyshja më e diskutuar në showbiz-in shqiptar për jetën e tyre personale. Për të dy këngëtarët është diskutuar gjithmonë për një lidhje, që siç duket kohët e fundit ka marrë fund. Pak ditë më parë në një intervistë për “Prive”, Zerka u shpreh se Ronelën e ka pasur gjithmonë xhan, por nuk ka dashur ta komentojë gjatë këtë gjë. Ndërsa kur ishte i ftuar të premten e një jave më parë në “The Voice of Albania” tha se është beqar, por dhe tokë e zënë. Ndërkohë ditën e sotme Young Zerka i ka konfuzuar sërish të gjithë fansat në lidhje me këtë çështje. I ftuar në emisionin “Trokit” të Ermal Peçit ai ka treguar se historia me Ronelën vazhdon.
Kur u pyet nga moderatori nëse kanë dalë titrat “The End” të filmit ai u përgjigj: “Jo akoma s’kanë dalë titrat. Ke parë ti të kem nxjerrë unë gjë titra. Historia vazhdon. Ne me Ronelën na lidhin shumë gjëra në studio, ajo është shumë e talentuar”. Në këtë mënyrë këngëtari i ka lënë të gjithë sërish në dyshime dhe ka shtuar se kjo është hera e fundit që flet për këtë histori. Ndërkohë vetë Ronela nuk ka reaguar ende për thashethemet për ndarje. /revistawho.com
