Zaimina Vasjari ka qenë e ftuar mbrëmjen që lamë pas në emisionin ‘Why Not’ dhe ka rrëfyer shumë detaje për jetën familjare dhe planet e së ardhmes. Ndër të tjera biseda u soll edhe tek marrëdhënia me bashkëshortin e saj.
Këngëtarja e njohur pranoi që Klodi i urren fotot, prandaj asnjëherë nuk ndihmon në realizimin e tyre. Madje në momente kur Zaimina dëshiron të bëjë foto, bashkëshorti i saj përdor një shprehje tipike. “Klodi im nuk është ai mashkull që mund të bëjë foto. Madje kur shkoj në vende që unë kërkoj të bëhen foto, gjithmonë thotë: ‘na more fytyrën”,-u shpreh duke qeshur Zaimina.
Ky detaj që bukuroshja e ekranit ka ndarë me të gjithë, shpjegon në një farë mënyre edhe faktin pse Klodi nuk është i pranishëm në postimet në ‘Instagram’ të bashkëshortes. Kujtojmë se vetëm pak ditë më parë, Zaimina festoi ditëlindjen e parë të Khloes në një mbrëmje shumë të bukur dedikuar së voglës./revistawho.com
