E keni pyetur ndonjëherë veten se përse nuk arrini dot të dilni bukur në fotot tuaja?
Në rast se keni kohë që jeni duke kërkuar për truke dhe metoda për të pozuar sa më bukur, mos u shqetësoni. Kemi zbuluar disa prej tyre, që modelet e listës A, përdorin kur pozojnë në tapetin e kuq! Truke që me siguri do ju shërbejnë shumë herën tjetër kur të bëheni edhe ju gati për të shkrepur një foto.
Gigi Hadid
Gigi Hadid pozon e kthyer mbrapsht dhe me kokën e kthyer, në mënyrë që të formohet forma S e trupit. Nuk keni përse të keni trup të bukur dhe me forma, apo harqe të theksuar për të krijuar iluzionin e tyre. Ky pozicion ju ndihmon të krijoni një siluetë të bukur, gjithashtu, për të shfaqur një fytyrë sa më të vogël dhe femërore pa palosjet e qafës.
Kendall Jenner
Kendall Jenner pozon me një këmbë të shtrirë anash. Kjo pozë është ideale për të krijua një këmbë të gjatë, të hollë dhe vija e drejtë dërgon përqendrimin direkt tek fytyra. Në rast se nuk keni strukturën e Kendall, bëni mirë që të poziciononi duart tuaja tek beli, teksa bëni këtë pozë. Në këtë mënyrë mund ta theksoni belin më shumë dhe do të dukeni akoma edhe më tepër elegante.
Chrissy Teigen
Chrissy Teigen pozon duke mbajtur njërën dorë tek beli. Ky pozocion është ideal për të krijua një siluetë sensuale dhe femërore. Ju jo vetëm theksoni belin tuaj por, tërhiqni vëmendjen edhe tek fytyra dhe kraharori juaj. Gjithashtu, me mbajtjen e këmbës si ajo, ju do krijoni iluzionin sikur jeni akoma edhe më e gjatë dhe përthyerja e vogël që ajo bën krijon një trup me forma!
Taylor Swift
Taylor Swift pozon duke u kthyer anash dhe me fytyrë në profil. Në këtë mënyrë ajo krijon formën S të trupit të saj, pavarësisht se është pa shumë forma të theksuara. Këtë qëllim e ndihmon shumë edhe këmba e përthyer e saj, e cila i thekson fundshpinën dhe e bën këmbën të duket me e gjate dhe e hollë. Kthimi i fytyrës së saj bën të mundur theksimin e mollëzave dhe daljen e tipareve akoma edhe më bukur.
/ikub.al
