$NOB, seriali televiziv që është përfolur prej kohësh, ka më në fund të dhënat e para për transmetimin. Me prodhim të “Anabel Entertainment”, në bashkëpunim me kompaninë kinematografike “Nilor Film”, ky serial do të transmetohet në Top Channel. Për momentin nuk ka një datë fikse për fillimin, por gjasat janë të nisë këtë vjeshtë.
Plot-i i seralit bën përplasjen e dy botëve: Të pasur vs të varfër. Në trailer kuptohet se është vënë theksi te hendeku i thellë i dy botëve në Shqipërinë e këtyre viteve. Kjo ndarje përcillet përmes paragjykimeve, intrigave, dramës, pasionit dhe ankthit.
Seriali, me një kast aktorësh të rinj dhe një tjetër kast me aktorë të njohur të teatrit dhe filmit shqip, pritet të jetë sukses.
Sezoni i parë i $NOB, krijuar dhe me skenar nga Dalina Buzi, regji të Redi Trenit dhe me drejtor fotografie Latif Hasollin, ka 10 episode nga 1 orë secila. /revistawho.com
