Në muajin janar Dua Lipa dhe Ariana Grande publikuan një foto së bashku dhe menjëherë pas kësaj nisën aludimet se do të realizojnë një projekt të ri muzikor.
Mesa duket këto aludime kanë qenë të vërteta pasi Dua Lipa dhe Ariana Grande janë duke punuar për një këngë të re. Në aplikacionin muzikor “Audio Mack” u publikua nga një përdorues anonim një moment i shkurtër i një kënge të quajtur “Bad to You” dhe në sfond dëgjohej zëri i dy këngëtareve.
Por pasi mediat filluan të flisnin lidhur me ketë projekt, kënga u bllokua menjëherë nga aplikacioni në mënyrë që të mos zbulohej asnjë detaj tjetër.
Sipas “Clever News” ky projekt do të ndodhë vërtetë pasi artistet janë njëkohësisht duke punuar me albumet e tyre të reja dhe ajo çfarë po pritet është konfirmimi nga vetë këngëtaret. /revistawho.com
