Trekëndëshi i Bermudës njihet si një nga vendet më të rrezikshme në historinë e njerëzimit. Ky vend që mbulon një pjesë të detit midis Floridas, Puerto Rikos dhe Bermudës, thuhet se ka marrë dhjetra anije e avionë vetëm në shekullin e fundit dhe qindra jetë. Ka pasur aq shumë aludime rreth historisë që fshihet pas kësaj zone sa askush nuk di çfarë të besojë.
E fundit hipotezë që ngrenë studiuesit është më objektivja e thënë deri më sot. Ekspertët në Universitetin e Southampton besojnë se misteri mund të shpjegohet me një fenomen natyror të njohur si “valët mashtruese”. Valët mashtruese janë jashtëzakonisht të fuqishme dhe të rrezikshme dhe mund të arrijnë deri në 30 metra lartësi. Megjithatë ende nuk ka një teori të vërtetuar shkencërisht dhe njerëzit vazhdojnë t’i shmangen këtij territori./revistawho.com
