Disa muaj më parë, stilisti i njohur Niko Komani, zbuloi se ishte i dashuruar dhe se në planet e tij të afërta ishte dhe martesa. Ditën e sotme, ai ishte i ftuar në emisionin “Ditë e re”, ku u shpreh se ishte i lumtur dhe shumë shpejt do të kishte dasmë. Pjesën e intervistës gjatë të cilës flet me moderatorët mbi martesën, Niko e ka publikuar në rrjetin social ‘Instagram’ me mbishkrimin: “Arjola Shehu dhe Kelvi Kadilli, jeni të ftuar në dasmën time”. Mesa duket stilisti i ka filluar planet e dasmës, duke nisur fillimisht nga lista e të ftuarve.
