Sot në 14 Mars në Britani festohet Dita e Nënave dhe në këtë festë speciale, Princi William dhe Kate Middleton publikuan një kartolinë nga Princi George, Princesha Charlotte dhe Princi Louis. Vogëlushët kanë vizatuar një pikturë e kanë shkruar një letër për gjyshen e tyre të ndjerë, princeshë Dianën.
“Këtë vit Dita e Nënave do të jetë ndryshe sërish. Shumë prej nesh do jenë larg njerëzve tanë të dashur, por presim me padurim që në një të ardhme jo shumë të largët t’i japim sërish një përqafim mamasë sonë. Për ata që janë të trishtuar, dita e sotme do të jetë e vështirë.
Çdo vit në Ditën e Nënës, George, Charlotte dhe Louis bëjnë kartolina duke kujtuar gjyshen e tyre, Diana. Cilado qofshin rrethanat tuaja, ne po mendojmë për ju këtë ditë”-shkruhet në postimin e publikuar në rrjete sociale.
Princi William dhe Princi Harry ishin 15 dhe 12 kur Princeshë Diana u nda nga jeta në vitin 1997.
View this post on Instagram
