Në një intervistë ekskluzive për “Pushime On Top” me Lei Krajën, Eros Grezda foli hapur për ndryshimet në jetën e tij pas karrierës si futbollist, si dhe për mënyrën se si e sheh jetën private.
“Do të thoja se jam në një fazë të mirë profesionale, kanë ecur punët shumë mirë në biznesin e ri,” tha ai për kalimin nga fusha në rolin e agjentit të futbollit.
Gjatë bisedës, u diskutua edhe për numrin e golave të shënuar dhe ish-partnerët e tij. “Gola. Kam bërë gola, ish-a nuk kam patur shumë,” ishte përgjigjja e tij e sinqertë.
Kur u pyet për mënyrën ideale të njohjes me një vajzë, Grezda ishte i prerë: “Në klub jo. Nuk i kam qejf këto vajzat në klube.”
“Kam qenë një djalë që kam dalë shumë, nuk dal më. Kam qenë i ri, mbase jam pjekur. Nuk e pëlqej fare jetën e natës,” theksoi ai, duke shtuar se tani preferon mbrëmjet në restorante me shoqëri të mirë.
Sa i përket komunikimit në rrjete sociale, Grezda shtoi: “Po, por gjithmonë kam dashur që unë ti shkruaj një vajze. Edhe nëse ka qenë shumë e mirë ajo, në momentin që vajza të shkruan, më jep një vibe shumë të keq dhe nuk më bën të shkoj përpara.”
Ai rrëfeu edhe për lidhjen e tij të kaluar dhe prezencën e të dashurës në stadium: “E dashuria ime? Për momentin s’kam të dashur, por në të kaluarën time ka patur qejf të jetë. Të jetë tifozja e imja në radhë të parë. Ajo ka qenë tifozja e imja dhe kam pas qejf të jetë në stadium, po me raste.”
