Ditën e sotme në media ka qarkulluar lajmi se këngëtarja Ariana Grande i dha fund fejesës 5 mujore me Pete Davidson. Ndarja erdhi në mënyrë të papritur pasi vetëm para dy ditësh Ariana publikoi një foto ku shfaqej shumë e lumtur krahas tij.
Megjithatë deri diku është e justifikueshme, pasi në situatën që është këngëtarja mund të marrë veprime të përshpejtuara. Burime pranë saj tregojnë se arsye për ndarjen është bërë reperi i ndjerë, Mac Miller. Pasi ai ndërroi jetë këngëtarja nuk është në gjendje të mirë mendore dhe në çdo moment e ka mendjen tek ai.
“Ariana ‘u mbyll’ në një vend të errët pas mbidozës fatale të ish të dashurit të saj. Ajo nuk fajësoi veten për vdekjen e tij pasi ndjen se bëri gjithçka që mundi për ta ndihmuar, por e la në një gjendje emocionale shumë të rënduar,”-tha një burim për TMZ.
“Ajo nuk mund të përfshihej plotësisht në marrëdhënien e saj me Pete. Dhe se kishte nxituar me vendimin për tu fejuar,”- tha një burim tjetër./revistawho.com
