Barbana Dini është bërë nënë për herë të parë. Këngëtarja shqiptare jeton prej disa muajsh në Shtetet e Bashkuara të Amerikës me partnerin e saj dhe më 15 shtator kanë mirëpritur në jetën e tyre vogëlushen Ergola Ergi Parubi, ashtu siç kanë vendosur ta quajnë. Lajmin e ka dhënë vetë këngëtarja përmes një postimi në “Instagram”, teksa e quan të bijën si kryeveprën e saj më të madhe. Emri i vogëlushes mban kujtimin e një njeriu të dashur për Barbanën, që nuk jeton më, të dajë Ergit. Tanimë kujtimi i tij është përjetësuar në emrin e vogëlushes së Barbanës.
Nuk na mbetet gjë tjetër veçse t’i urojmë vogëlushes jetë të gjatë.
