Aktori i suksesshëm turk, por me origjinë shqiptare, Can Yaman ka vendosur ta suprizojë moderatoren italiane, Diletta Leotta në mënyrën më të bukur.
Ylli i kinematografisë turke e ka propozuar të dashurën e tij me një avion ku shkruhej: “Diletta dëshiron të martohesh me mua? Të dua, Can”.
Kaq ka mjaftuar që video të bëhet virale, ndërsa nuk dihet ende përgjigja e moderatores sportive. Dyshja është në një lidhje dashurie prej pak kohësh, megjithatë Yaman nuk ka humbur kohë për të hedhur këtë hap kaq të rëndësishëm.
Momentalisht Can ndodhet në Itali, aty ku është zhvendosur prej disa kohësh pasi luan rolin protagonist në filmin “Sandokan”.
Kujtojmë se Yaman është përfolur gjatë për lidhje dashurie edhe me koleget e tij turke, por çdo gjë ka mbetur në të shkuarën tanimë.
