2015-ta do të mbetet gjatë në memorien e disa prej personazheve publike në vend, për shkak se këtë vit ata vendosën t’i jepnin fund beqarisë. I pari që shkoi drejt altarit ishte këngëtari i mirënjohur Sinan Hoxha, i cili në fund të gushtit solli në Tiranë me helikopter vajzën e jetës së tij, Andrra Destanin. Ceremonia e tyre e dasmës, ka qenë një ndër më të komentuarat e këtij viti për shkak të pjesëmarrjes së gjerë të personazheve publike.
Pas tij stafetën e morën çifti i famshëm Vesa Luma dhe Big Basta, të cilët i dhanë premtimin për dashuri të përjetshme njëri-tjetrit në kalanë e Lëkurësit në Sarandë.
E ndërsa për këto dy dasma mediave nuk u mungoi informacioni, martesa e Anjeza Shahinit me diplomatin Pol ka qenë krejt e papritur. Ishte vetë përfaqësuesja e parë e Shqipërisë në Eurovizion që një ditë të bukur i befasoi të gjithë duke publikuar foto nga dasma.
