Këngëtarja me origjinë kosovare, Dua Lipa, e cila po jeton suksese njëri pas tjetrit, do të jetë pjesë e ndarjes së çmimeve në Zvicër “Swiss Musi Awards”. Në intervistën më poshtë, që ka dhënë për gazetën zviceriane “20min.ch”, ajo ka treguar emocionet e saj për këtë event dhe jetën e saj.
Dua, do të marrësh pjesë në “Swiss Music Awards” në Zyrih. A jeni gëzuar?
Nuk mundem ta them saktë se sa jam e gëzuar! Unë nuk kam qenë asnjëherë në Zvicër. Një vizitë tek ju që lidhet me punë është shumë e bukur.
Cilat janë pritshmëritë tuaja?
Nëse unë bëj një paraqitje të bukur dhe mund ta vizitoj pakëz Zyrihun, atëherë do të jem shumë e lumtur.
SMA është çmimi më i rëndësishëm i muzikës në Zvicër. I pëlqeni këto shfaqje?
Unë e pëlqej energjinë që del nga këto shfaqje. Është një spektakël. SMA është e ngjashme me “Brit Aëards” në Angli, andaj ndjej pak frikë nga dalja përpara publikut.
Shfaqjeve të tilla ju paraprijnë edhe tapeti i kuq. Çfarë përvoje është kjo për ty?
Të premten unë për herë të parë do të eci në një tapet të kuq në jetën time. Për këtë nuk di se si do të reagoj.
A e ke menduar veshjen tënde?
Unë e di se çfarë do të vesh në skenë. Për shfaqjen në tapetin e kuq do të vendos spontanisht. Nëse mendoj shumë rreth veshjes kjo mund të më krijojë panik.
Është pak sa e çuditshme sesi ju u bëtë këngëtare. Mësuesi juaj ju ka thënë,që nuk mund të këndoni.
Po, ai vërtetë e ka thënë këtë. Problemi qëndronte se unë nuk mund ti kontrolloja tonet e larta. Kur unë përpiqesha ta bëja këtë, dilnin vetëm angullime nga fyti. Sikur të veproja sipas mendimit të mësuesit tim, atëherë sigurisht që s’do kisha bërë karrierë si muzikante.
Megjithatë ti ia dole. Si?
Pas shkollës fillore unë kam ndjekur Sylvia Young Theatre Schools në Londër, ku marr mësime të shumta për këndim, vallëzim dhe aktrim. Aty e kam vënë re se mundem të këndoj.
Prej nga të erdhi dëshira për t’u bërë këngëtare?
Babai im ishte këngëtar dhe pjesë e rok grupit të njohur në Kosovë “ODA”. Si fëmijë kam qenë gjithmonë e rrethuar nga muzika.
Si e përshkruani muzikën tuaj?
Unë e quaj atë Dark Pop. Jam e ndikuar shumë nga Hip-Hop-i. Ndërsa si model e kam Pink dhe Nelly Furtado.
Ti e ke historinë e njëjtë si të Rita Orës. Origjinën e keni nga Kosova dhe je rritur në Londër. Ka lidhje të tjera mes jush?
Kushdo që vjen nga Kosova, jam krenare për të. Kjo na lidh të dyjave. Fatkeqësisht ende nuk kam pasur mundësi të njihem me Ritën.
A të nervozojnë krahasimet me të?
Ne nuk jemi krahasuar shpesh nga mediat. Shumë më tepër kam dëgjuar krahasimet që më bëjnë me Lana Del Rey. Por që ndoshta ka më shumë të bëjë me faktin se ne kemi të njëjtin menaxhment.
