Çdo vit në Mbretërinë e Bashkuar mbahet gara e kuajve “Royal Ascot”, një event ku merr pjesë Mbretëresha, princat e princeshat, dukët e dukeshat. Me fat është edhe një shqiptare, Elona Varfi e cila ka qenë pjesë në finalen e “Royal Ascot” këtë vit.
Elona ka postuar disa foto nga eventi ku shfaqet e veshur me shumë klas, ashtu siç e kërkon edhe kodi. Sipas kodit të veshjes së këtij eventi vajzat duhet të veshin fustane ose funde deri poshtë gjurit ose më të gjata. Fustanet ose bluzet duhet të jenë me mëngë dhe nuk lejohen shpatullat e nxjerra, dekolteja e hapur apo rripa. Kapelja është aksesori që nuk duhet të mungojë në këtë event. Dhe siç shihet Elona i ka qëndruar me përpikmëri kodit.
Elona është e njohur në shoqërinë mondane të Tiranës, ka punuar në marrëdhënie me publikun në një nga studiot ligjore më të njohura në Tiranë derisa u zhvendos në Londër me bashkëshortin e saj Olti Xhezo, i njohur si djali i parë shqiptar që fitoi titullin Mister Albania. Ata janë prindër të një vajze të vogël ndërsa fotot e Elonës në Londër, ku punon si personal shopper dhe merr pjesë ne eventet eksluzive, janë ëndërr për çdo fashioniste.
Për britanikët, gara e kuajve Ascot është një nga ngjarjet më të rëndësishme të vitit. Tribuna u rindërtua në 2006, por hipodromi ka ekzistuar që nga viti 1711 kur Mbretëresha Anne e shpalli zonën “ideale për kuajt për të galopuar në shtrirje të plotë”. Vetëm në vitin 1911 Royal Ascot evoluoi në formën e tij moderne. Royal Ascot është i famshëm për modën e tij. Gratë vishen me stil dhe kapele ekstravagante ndërsa për burrat kodi që nga viti 2018, kërkon që ata të veshin patjetër çorape, kostum dhe jo kollare.
View this post on Instagram
