Klajdi Musabelliu ishte i ftuar në emisionin “Pardon My French”, kur pas largimit nga shtëpia e famshme, ai ndau për herë të parë detaje mbi jetën e tij personale dhe planet për të ardhmen.
Në bisedën e tij, Klajdi foli për përvojën e tij në reality show dhe strategjitë që do të kishte ndjekur po të kishte një shans të dytë.
“E mendova, nuk mendova asnjë strategji. Mendova do isha pak më i çelur. Domethënë me më shumë humor, me më shumë batuta, me më shumë këngë. Sigurisht, do isha marrë më shumë me Rozanën, por jo duke e sulmuar. Duke qenë se ajo më nxorri në pah atë karagjozin që unë kam brenda, do kisha bërë një aleancë jo për lojë, por për të nxjerrë personazhet që kemi pozitivë brenda.” – tha Klajdi.
Pavarësisht se tashmë është i përqendruar tek muzika, Klajdi ka një peng në zemër. Kënga e tij më e re, “E bukur”, ka marrë vëmendje të madhe, veçanërisht nga publiku femëror.
“Reaksioni është shumë pozitiv. Të gjitha vajzat e pëlqejnë, përveç se asaj që unë ja kam dedikuar. Unë kam fituar zemrën e çdo vajze. Vetëm të asaj që dua unë, s’e kam fituar. Nuk e kam bërë publike. Kënga i ka pëlqyer, por nuk po i pëlqej unë. Ka 10 vjet që unë këtë vajzën po e pëlqej, por ajo nuk e kupton që unë e pëlqej, ose nuk do që ta kuptojë.” – shtoi Klajdi
