Hijeshi, elegancë dhe stil, trinom me të cilin mund ta veshim padyshim Armina Mevlanin. E në këtë varkë, mund të themi se prej disa vitesh e kemi parë të lundrojë në sfilatat e disa prej markave më të mira në botë. Nga javët e modës, në Milano e Paris, deri në darkat ekskluzive të tyre, në të cilat Armina ka qenë e ftuar. Pak ditë më parë, ajo nuk la pa zbuluar detaje nga Java e Modës në Milano, teksa së fundmi na ka sjellë në surprizë tjetër. Një ftesë speciale për një darkë speciale. As më pak e as më shumë se në darkën ekskluzive të organizuar nga stilisti i njohur francez Simon Parte Jacquemus. Aty në shpirtin e Francës, në Versajë, në dimensione të magjishme, të prekshme dhe të paprekshme. Armina sigurisht na ka zbuluar disa prej imazheve nga mbrëmja.
