Kryetari i Bashkisë së Tiranës, Erion Veliaj, prezantoi sot tri femrat që ‘ndërtuan’ Pazarin e Ri… Në fjalën e tij ai falenderoi për punën e tyre, arkitekten Nevin Bilali, kryeinxhinieren Ilda Qazimllari dhe administratoren e Pazarit të Ri, Julia Sinanaj. Emri i fundit nuk është një emër i panjohur për median. Julia Sinanaj përveçse drejtuese e disa projekteve të rëndësishme ka investuar edhe në disa aspekte të jetës sociale dhe kulturore. Ajo është organizatore e Festivalit Multikulturor të Beratit, regjisore dhe producente e disa shfaqjeve teatrale, autore dhe redaktore në disa rubrika të suksesshme televizive, etj. Për fanatikët e teatrit, Julia Sinanaj është gjithashtu në një marrëdhënie të gjatë me aktorin Ledion Zoi. Nga sot, ‘kokëkuqen’ e palodhur do të mund ta gjeni çdo ditë në pazar ku do të zhvillojë idetë e saj kreative për t’u ardhur në ndihmë të gjithë bizneseve. / revistawho.com
