Ke dëgjuar për “Beauty Fair Albania”?! Ja pse duhet të merrni pjesë në Panair

Ka vetëm një rast në vit, kur mund të takoni, të shikoni dhe prekni nga afër të bukurën. “Beauty Fair Albania” është emri që lidhet drejpërsëdrejti me të bukurën, atë që syri e sheh dhe e adhuron që në çastin e parë kur shqisat janë të gjitha duke kryer funksionin e tyre.
Mund t’ju vijë menjëherë në mendje një pyetje e vetme: A mund ta shohim edhe ne? Po ku?
“Beauty Fair Albania”, i njohur ndryshe si panairi më i madh i bukurisë vjen në edicionin e tretë të tij, më 29, 30 prill dhe 1 maj në Pallatin e Kongreseve në Tiranë.
Në këtë panair do të bëhen bashkë të gjitha markat e njohura të bukurisë, që ndryshe nga lidhjet e internetit dhe risitë e teknologjive dhe shitjeve online, tani do të keni mundësinë t’i shikoni nga afër, për të bërë më pas zgjedhjen tuaj me atë produkt, që mbase deri në atë moment ju kishte munguar. Eshtë Panairi ku vërtetë përfitojnë të gjithë: klientet marrin të gjitha informacionet, për cdo gjë që ka të bëjë me bukurinë. Kurse pjesëmarrësit kanë gjithë klientët e mundshëm përpara tyre. Sepse “Beauty Fair Albania” është i vetmi vend që bën bashkë mjeshtrat e bukurisë e profesionistë të fushës për të sjellë tek konsumatorët çdo produkt të dëshiruar.
Mjafton një xhiro e gjatë në Pallatin e Kongreseve, ndalimin nga njëra stendë në tjetrën për të kuptuar se pse ky event bën diferencën.
Merrni kohën tuaj të vështroni, të nuhasni dhe të prekni elementë të së bukurës. Profesionistët janë aty për të dhënë cdo përgjigje, për t’ju hequr cdo dyshim, për t’ju njohur nga afër me gjith[ka që mund të doni. Me një pjesëmarrje gjithëpërfshirëse në dy edicionet e mëparshme të tij, “Beauty Fair Albania” është kujdesur që edhe kësaj here të mos mungojnë ofertat dhe larmishmëria e zgjedhjeve mes brendeve më të njohura të kozmetikës e gjithë sa lidhet me të bukurën.
Duke respektuar çdo masë anti Covid, për të arritur një bashkëpunim tjetër të suksesshëm, Beauty Fair Albania ju mirëpret në 3 datat e lartpërmendura në Pallatin e Kongreseve.
Sido që ta vizitoni panairin më të madh të bukurisë, “Beauty Fair Albania” kujdeset të largoheni me një buzëqeshje! Sepse çfarë është e bukur le një shenjë në memorie dhe buzëqeshje të gjatë në fytyrë./revistawho.com