Të japësh lajmin për udhëtimin e radhës në rrjete sociale nuk është problem, por të publikosh foton e biletës së avionit është një problem i madh. Publikimi i detajeve personale në rrjete sociale mund t’ju vendosë përpara rreziqeve të shumta, prandaj është shumë e rëndësishme që të tregoni kujdes shumë të madh për çdo gjë që postoni në rrjetet sociale. Më poshtë do të gjeni një listë me 5 foto, të cilat nuk duhet t’i publikoni asnjëherë në ‘Facebook’, ‘Instagram’ apo ‘Twitter’.
- Njoftimet e rëndësishme të të tjerëve
Nëse mikja juaj ju tregon me foto ekon e parë të shtatzënisë apo një ftesë dasme bëni mirë që mos t’i publikoni në rrjete sociale. Nëse një njoftim i rëndësishëm nuk ju përket juve, atëherë duhet të prisni derisa personi i duhur ta japë lajmin i pari.
- Certifikatën e lindjes
Nëse publikoni informacionet që kanë lidhje me identitetin në rrjete sociale, do të thotë se i keni humbur ato. Këto dokumente të rëndësishme mund të bien në duart e të panjohurve, të cilët mund të bëjnë gjithçka me informacionin që ju u keni dhënë.
- Para
Nëse publikoni foto të çeqeve, kartave të kreditit apo parave tuaja ‘online’ mund t’i shkaktoni vetes shumë probleme. Duke bërë këtë gjë rrisni shanset për t’u vjedhur.
- Kujtime nga një natë kur keni qenë të dehur
Nuk është ide e mirë publikimi i fotove apo videove nga një mbrëmje ku keni konsumuar alkool, pasi nuk do të përcillni imazh të mirë tek të tjerët.
- Një biletë lotarie
Nëse jeni aq me fat sa të fitoni një lotari, mos e postoni asnjëherë biletën në rrjete sociale. Dikush mund të marrë barkodin e saj dhe të vjedhë çmimin tuaj. /revistawho.com
Burimi: Times Of India
