Shumë shpejt do të kthehet ‘Kutia e fundit’, programi që para 10 vitesh mori vëmendjen e të gjithëve me lojën argëtuese me pyetje përgjigje dhe fitim parash në shuma të konsiderueshme. Asokohe Edi Oga u bë i njohur dhe bashkë me Enkel Demin u kthyen në një nga dyshet e preferuara të ekranit. Për disa vite ata drejtuan bashkë edhe një program radiofionik të quajtur ‘Makinë me dy timona’. Enkeli në bashkëpunim me Edin, i cili do jetë sërish bashkëdrejtues i programit, premtojnë shumë surpriza me rikthimin e lojës më të suksesshme televizive.
Lajmin për rifillimin e programit e dha Edi me një postim të promos:
“KUTIA E FUNDIT ….në ABC
Jemi vetëm pak javë larg rikthimit të një legjende televizive… Do ta rinisim lojën aty ku e lamë 10 vite më parë, me bamirës Kel Demin, i cili do të përpiqet t’ju bëjë “të pasur” dhe me mua, që do të bëj çmos që të qëndroni “të varfër”! ?
Nëse ti vetë apo të afërmit/miqtë tuaj duan të provojnë aftësitë e tyre për të marrë maksimumin, ejani na takoni në ish-kinostudio, tek 2A, të Premten 30 Korrik, ora 18.00!”/revistawho.com
