Mirupafshim fundjavave me diell e plazh, udhëtimeve larg shtëpisë, planeve të minutës të fundit, arratisjeve në mes të vapës, valixhes gjithmonë gati për të premten, pushimeve të verës. Shtatori vulos fundin e verës dhe të gjithë iu kthyen shtëpisë. ‘Instagrami’ nuk është më blu, por ka kaq ngrohtësi nga tavolinat e shtruara për miq, recetat e fundjavës, nga përkëdheljet mbi divan.
Pa lëvizur për udhëtime, pa u larguar nga ngrohtësia e folesë së tyre, si shumë fansa që i ndjekin në rrjete sociale, Arbana, Manjola Nallbani ja dedikuan fundjavën gatimit. Dhe të dyja i kanë bërë ndjekësit t’u kërkojnë recetat.
Nga ana tjetër, Sara Hoxha i ka dedikuar kohë Poemës, po ashtu Orinda Huta ka shijuar fundjavën me Turin, Eljon dhe Atarën.
Dhe Eljona Pitarka mori vëmemdje me një video për të qeshur në ambientet e shtëpisë, teksa pastronte dhe bënte punët e shtëpisë.
Këta janë vetëm pak nga VIP-at, që këtë fundjavë ju përkushtuan familjes dhe shtëpisë, e pak gjëra i treguan në ‘Instagram’. Fundja shtatori në shtëpi të shijon aq shumë./revistawho.com
