Mark Zuckerberg në mbrojtje të ‘Facebook’: Ne nuk shesim informacione personale

Viti 2018 ka qenë një vit i mbushur me skandale për ‘Facebook’. Kanë qarkulluar shumë lajme për reklamat dhe informacionet personale të përdoruesve, por Zuckerberg i ka hedhur poshtë të gjitha këto duke i dalë në mbrojtje rrjetit social ‘Facebook’. Nëse jeni përdorues i këtij rrjeti, e dini se në bazë të faqeve që pëlqeni, ju dalin përpara reklama të shumta. Kjo është një ndër arsyet se pse të gjithë mendojnë se në fakt, ‘Facebook’ shet informacione personale të përdoruesve të tij. “Nëse duam që t’ju ofrojmë të gjithëve një përdorim falas, kemi nevojë për një shërbim që është i përballueshëm nga të gjithë dhe reklamat janē mënyra e duhur”, arsyetoi Mark. Ai gjithashtu u shpreh se nëse do të shisnim informacione, do të bënte që përdoruesit të humbin besimin tek ‘Facebook’, si dhe do ndihmonte rivalët e tij duke i dhënë mundësi për ta konkuruar. Edhe pas skandaleve, përdoruesit e ‘Facebook’ janë rritur në numër./revistawho.com