Arbana Osmani ka qenë e ftuar në “Open” për një bisedë rreth “Big Brother VIP”. Mes të tjerash ajo ka rrëfyer se arsyeja kryesore pse pranoi të prezantonte spektaklin ishte fakti që Lori Hoxha ishte producente e tij, pasi kjo i dha garancinë që Top Channel do të bënte maksimumin, që programi të shkëlqente në çdo pikëpamje.
Arbana është pyetur se cilin nga personazhet e larguar do donte ta shihte ende brenda shtëpisë dhe veçoi Fifin.
E pyetur për momentet që kanë shënjuar spektaklin, moderatorja përmendi:
“Do thoja hyrja e Borës në shtëpi, puthja me Donaldin, largimi i Fifit, momenti kur ajo është ndjerë keq brenda në shtëpi në një transmetim live, apo dalja e papritur e Big Mamës nga shtëpia”.
Së fundmi është zbuluar se finalja do shtyhet deri në 18 shkurt, por Arbana deklaroi se “Big Brother” mund të zgjatet edhe përtej 18 shkurtit. “Jemi minimalisht deri më 18 shkurt , por mund të jemi dhe më gjatë”, tha ajo./revistawho.com
