E ftuar mëngjesin e sotëm në “Wake up”, Arjola Demiri ka treguar sesi ka shkuar jeta e saj pas daljes nga shtëpia e “Big Brother Albania”, projektin e ri në ekran dhe jetën personale. Aktorja tha se njerëzit kanë shumë interes për shtëpinë që iu dhurua, por kjo gjë tashmë i është kthyer ne bezdisje.
“Nuk thonë mirëmëngjesi, mirëmbrëma. E more shtëpinë? Mu shndërrua në problem dhe bezdisje. I bëj thirrje Kodrës së Diellit ta bëjë shtëpinë time të parën.”
Sa i përket miqësive që krijoi brenda shtëpisë së famshme Arjola tha se është distancuar me ta.
“Miqtë e mi tani janë ata që kam pasur gjithmonë afër. E kam marr pauz njerëzve që kam pasur në BB. Jam takuar me ta por nuk kemi bërë diskutime të gjata. vetëm në evenimente. Dje isha me Moniken, ndamë disa muhabete”.
Aktorja tregoi se i është plotësuar ëndrra që kishte për të prezantuar një emision.
“Në Kosovë më është ofruar një punë në një televizion. Dëshira ime është të bëj një shfaqje. Të bëj një emision për një Tv të ri që po hapet në Kosovë. Prezantuesja e një emisioni vetëm për mua”.
Për jetë personale, Arjola tha se është në pritje të një mashkulli ideal, por në të vërtetë nuk është gati, për shkak të moshës delikate të fëmijëve të saj.
“Jam në pritjen time të vij një mashkull ideal, por nuk ka ardhur princi kaltër. Prej vërteti, nuk jam gati sinqerisht. Nëse do e ndjeja dhe do ishte personi duhur, por fëmijët janë në moshë delikate. Ta kalojnë fazën e adoleshencës”, tha Arjola.
