Seriali turk ‘Ertugrul’ ka thyer rekorde shikueshmërie në të gjitha vendet që është transmetuar. Njëra nga pjesët që pritet të transmetohet së shpejti ka prekur të gjithë ndjekësit e serialit. Bashkëshortja e Ertugrul, Halime, ndërron jetë teksa lind djalin e tretë. Pas vdekjes së saj të gjithë ndihen të trishtuar, por duhet marrë një vendim për vogëlushin Osman.
Fëmija ka nevojë për qumësht, por askush nuk mundet ta ushqejë. Për këtë arsye, Ertugrul gjen një grua që të ushqejë birin e tij. Kjo grua e re që bëhet pjesë e familjes ka ardhur me një qëllim në kamp. Ajo përveçse ushqen Osmanin e vogël, kthehet edhe në bashkëshorten e Ertugrul. Në seritë e mëvonshme do të zbulohet edhe qëllimi i vërtetë i saj dhe nëse dikush tjetër e nxit atë të veprojë. /revistawho.com
