Reagimet për këngën përfaqësuese të Italisë në ‘Eurovizion’ vazhdojnë ende. Kënga “Non mi avete fatto niente” nga Ermal Meta dhe Fabrizio Moro që në prezantim u shoqërua me polemika të shumta lidhur me origjinalitetin e saj. Komenti më i fundit vjen nga këngëtarja italiane Noemi, e cila ka qenë e ftuar në një emision të famshëm italian dhe gjatë intervistës ka ironizuar me origjinalitetin e këngës fituese të ‘Sanremos’. Menjëherë pas fjalëve të saj Ermal Meta ka reaguar nëpërmjet një shkrimi në ‘Twitter’ ku tregon se veprimi i saj ishte jo i hijshëm. “E kam gabim apo nuk duhet të flitet për personat që nuk janë prezent? Ndoshta edukata është e lindur”. Këngëtarja Noemi gjithashtu ka qenë pjesë në ‘Sanremo’ dhe u rendit në vendin e katërmbëdhjetë./revistawho.com
