Nëse lidhesh me dikë që ka të njëjtën shenjë horoskopi si e jotja dy janë mënyrat si mund të përfundojë ai raport: Dashuria më e madhe e të gjitha kohërave ose katastrofë totale. Por një të mesme nuk ka kurrë.
Për Ben Affleck dhe Jennifer Lopez duket se është ajo e para. Ata janë të dy luanë, vetëm se Ben është i gushtit dhe JLo e korrikut. Ata u dashuruan dikur, u ndanë, vazhduan jetën dhe pas shumë kohësh e ri gjetën njëri-tjetrin. Por cilat janë faktorët që dalin në favor të çifteve me të njëjtën shenjë zodiaku?
Ata janë pothuajse njësoj, e kuptojnë njëri-tjetrin dhe kanë të njëjtin këndvështrim për botën. Janë në sinkronë pa u munduar shumë, duket sikur shohin veten në pasqyrë tek partneri dhe vlerësojnë më të mirat që kanë të dy bashkë.
Por gjithë kjo ngjashmëri, nëse nuk balancohet nga të dyja palët mund të kthehet në problem serioz, pasi reflektimi i gjërave që nuk pëlqeni tek vetja mund të pasqyrohet direkt tek partneri juaj. Gjithë pasiguritë, rëniet emocionale dhe problemet që dalin, mund t’ju bëjnë të mendoni se jeni në një raport me veten tuaj në momentin më të keq. Tani ndajeni vetë nëse doni apo jo të rrini në një raport me një person që është fiks si ju!/revistawho.com
