Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Patate Furre
2kg patate
1 litër qumësht
300gr djathë pekorino dhe parmixhano
100gr gjalpë
6 thelpinj hudhër
70ml vaj ulliri i aromatizuar me përzierje erëzash
Pak arrë moskat
Pak kripë
Pak piper
Pastrojmë mirë patatet dhe i presim në feta rrumbullake me trashësi rreth 1 cm. I vendosim të ziejnë për disa minuta së bashku me qumështin, hudhrat, pak kripë, piper dhe arrën moskat të grirë (nuk i ziejmë plotësisht, sepse do t’i vendosim në furrë për ‘tu pjekur). I kullojmë (por e ruajmë lëngun), shtrojmë një pjesë të patateve në tavë dhe u hedhim sipër një pjesë të djathit të grirë. E përsërisim këtë veprim derisa t’i mbarojmë të gjitha patatet. Në fund hedhim gjalpin dhe pa qumësht që ka mbetur më parë nga zierja e patateve. E pjekim në furrë të ngrohur më parë në 200 gradë për 20 minuta.
Sallatë me Perime
Çerek lakre
Gjysmë tufe sallatë jeshile
100gr misër i zier
2 karota
1 spec i verdhë
Gjysmë avokadoje
Gjysmë mangoje
1 kastravec
6 domate qershi
1 limon jeshil
70ml vaj i aromatizuar
1 tufë majdanoz
Kripë dhe piper
Perimet e pastruara i presim sipas dëshirës (domatet në dysh, limoni në 8 pjesë). I përziejmë të gjitha së bashku në një enë të thellë.
