Sara Hoxha e ftuar në “Më lër të flas”, ka zbuluar se në tetor do të nisë një ndër projektet më të mëdha në Top Channel, “Dancing With the Stars”. Sara tregoi se do të sjellin një version të ri të këtij spektakli dhe do të jetë projekti më i madh në Top Channel.
Sara Hoxha: Po punoj bashkë me një skuadër fantastike në “Top”, për një projekt shumë të rëndësishëm që fillon nga tetori, që është “Dancing With the Stars”. Besoj është projekti më i madh në Top, sezonin që vjen, është një format i BBC që është parë në Shqipëri, por besoj do të sjellim diçka më të update-uar, më për kohën. Përpos shumë projekteve të tjera, por me këtë merrem unë.
Kujtojmë që “Dancing with the stars” është mbajtur për 7 edicione në Vizion plus, në drejtimin e Alketa Vejsiut në edicionin e parë e më pas nga Amarda Toska, Almeda Abazi etj dhe me producente Holta Dulaku.
