Si të veshësh ngjyra dhe mos dukesh si ylber? Kalo nga Iva

Sidomos tani që koha fillon e ngrohet ngjyrat të tërheqin vetë. Dhe kush të ndal t’i veshësh? Dielli jo njëherë. Ama, me gjithë lirinë që të jep moda e tendencat e stilistët, le ta pranojmë që ngjyrat janë një çikë delikate. Një fije e hollë të ndan nga pamja “ylber”. Kush do të ngjajë e veshur si telajo? Por ca vajza e kanë zanat kombinimin e ngjyrave. Dhe sa të rrezikosh më kot, a nuk do ish më mirë t’i biesh shkurt. Ja për shembull, një vajzë që duhet mbajtur nën vëzhgim është Iva Kalemi, spikerja e lajmeve në Klan News. Po mos e shihni në ekran. Përgjojeni në ‘Instagram’ dhe zbuloni balancën që bën me ngjyrat në veshje.

Thuaji të kuqes “po”

Vajzat jo përherë kanë marrëdhënie të mirë me të kuqen. Shumë e zjarrtë, shumë tekanjoze. Iva e ka zbutur. Duke e veshur kryesisht si “njollë”. Veshje neutrale dhe theks tek vetëm një gjë e kuqe: çanta, xhup, hoodie. Ama edhe kur e përdor kokë e këmbë, e shkrin me të bardhën dhe mos i hiq asnjë presje.

View this post on Instagram

A post shared by ??? ?????? (@ivakalemi)

Nuancat elektrike janë përherë ide e mirë

Sidomos për një bjonde të ëmbël, që theksin mund ta zhvendosë ku të dojë. Ndaj Iva guxon edhe të vishet kokë e këmbë me ngjyra të ndezura si çiklamini e herë vetëm tek aksesorët.

View this post on Instagram

A post shared by ??? ?????? (@ivakalemi)

Pastel, pastel, pastel

Iva luan me ngjyra të forta dhe lëviz në terren të rrezikshëm duke kaluar nga e verdha tek e gjelbra, nga portokallia tek e kuqja e fortë. Por ç’kuptim do kish pa pastel? Dhe jo pastel dosido. Më i ëmbli që ekziston, nuancat e rozës, por shkrirë me të bardhe për xhins, për të mos e tepruar me dozat e sheqerit.

Tani e dini ku të drejtoheni sa herë që nuk dini se si të kombinoni një ngjyrë. Shkoni tek Iva./revistawho.com