Sylvester Stallone është një nga aktorët më të famshëm në historinë e industrisë së filmit dhe pa të do të ishte e pamundur që Rambo apo Rocky të kishin të njëjtin sukses. Por tani ai është i fokusuar të kujdeset për familjen dhe sipas vajzave të tij, ai e merr shumë seriozisht këtë punë. Në një dokumentar aktori e përkufizon veten si “paranojak”, duke theksuar se sigurohet që fëmijët e tij të jenë gjithmonë të armatosur sa herë që janë në publik për t’i mbrojtur nga grabitqarët që përgjojnë në hije.
“Unë jam paranojak”, tha Stallone. “Sepse unë kam përgjegjësinë si baba të bëj gjithçka që mundem. Gjëja e parë është që duhet të mësojmë është vetëmbrojtje.”
Edhe pse këto praktika nuk janë aspak të panjohura për vajzat e tij. Kur ato shkonin në shkollë, aktori i detyroi të mbanin një thikë të vogël në çantë.
Ai gjithashtu i bëri të përdorin sprej piper mbi njëra-tjetrën për t’u praktikuar në rast se do të duhej ta përdornin atë në të ardhmen, kështu që, jo çuditërisht, të tre motrat pajtohen se babai i tyre është “personi më paranojak në planet.”.
Por ato shtojnë: “Është pak fyerje që ai nuk mendon se ne jemi më të fortë se kaq”.
