WhatsApp ndalon së funksionuari për disa modele të smartphone-ve duke filluar nga sot, më 1 janar 2025. Siç ndodh çdo vit, platforma e Meta do të heqë dorë nga versionet e vjetra të Android, të cilat nuk kanë përditësime sigurie dhe nuk mund të mbështesin teknologjitë e reja. Këto përfshijnë telefona me sisteme operative që nuk mund të përditësohen më, duke i bërë ata të ndjeshëm ndaj problemeve dhe defekteve që nuk mund të zgjidhen.
Përveç modeleve Android, WhatsApp gjithashtu do të ndalojë mbështetjen për versionet e iOS para 15.1 nga maji 2025, duke përfshirë iPhone 5s, iPhone 6 dhe iPhone 6 Plus. Po ashtu, disa modele të tjera si Galaxy S3, Galaxy Note II, Galaxy Ace 3 dhe Galaxy S4 Mini, si dhe disa modele të Motorola, do të dalin jashtë përdorimit.
Pajisjet e vjetra, që nuk marrin më përditësime sigurie, mund të jenë më të prekshme ndaj kërcënimeve kibernetike dhe të papajtueshme me teknologjitë më të fundit të WhatsApp.
